Að ári mun kvartettinn hljóðrita verkið ásamt tveimur öðrum af síðari kvartettum tónskáldsins, . . . → Read More: Síðustu kammerverk Schuberts]]> Skálholtskvartettinn er langt kominn með að hljóðrita strengjakvintett Schuberts í C dúr ásamt franska sellóleikaranum Bruno Cocset og í kvöld verður verkið á dagskrá Sumartónleika í Skálholtskirkju. Á laugardaginn kemur kl. 15.00 flytur Skálholtskvartettinn svo síðasta strengjakvartett Schuberts, þann í G dúr op. 161.

Að ári mun kvartettinn hljóðrita verkið ásamt tveimur öðrum af síðari kvartettum tónskáldsins, Rósamundu og Dauðann og stúlkuna.  Upptökustjóri er Peter Wachhorn, en hann stýrir útgáfufyrirtækinu Musica Omnia sem er staðsett í Boston og mun gefa út þessa Schubertseríu með Skálholtskvartettinum. Leiðari kvartettsins er Jaap Schröder, en hann hefur hljóðritað fjölda hljómdiska af verkum eftir Schubert, Schumann og Mendelsohn með Atlantis tríóinu og félögum fyrir Musica Omnia. Í Skálholtskvartettinum eru auk Jaaps Rut Ingólfsdóttir, Svava Bernharðsdóttir og Sigurður Halldórsson

Fimmtudaginn 22 júlí hefst tónleikaröð til minningar um Helgu Ingólfsdóttur semballeikara er lést á síðasta ári, en hún stofnaði Sumartónleika í Skálholtskirkju sumarið 1975. Þar mun Bachsveitin í Skálholti undir stjórn Peters Spissky flytja dagskrá undir yfirskriftinni „Ítölsk . . . → Read More: Minningartónleikaröð til heiðurs Helgu Ingólfsdóttur 22. – 25. Júlí]]> Sumartónleikar í Skálholtskirkju halda áfram fjórðu vikuna í sumar, en aðsókn hefur verið einstaklega góð það sem af er sumri.

Fimmtudaginn 22 júlí hefst tónleikaröð til minningar um Helgu Ingólfsdóttur semballeikara er lést á síðasta ári, en hún stofnaði Sumartónleika í Skálholtskirkju sumarið 1975.
Þar mun Bachsveitin í Skálholti undir stjórn Peters Spissky flytja dagskrá undir yfirskriftinni „Ítölsk strengjasveifla” með verkum eftir A. Vivaldi, A. Scarlatti, A. Corelli, G.F. Händel og J.S. Bach.

Laugardaginn 24. Júlí hefst dagskráin með minningarerindi Kolbeins Bjarnasonar um Helgu Ingólfsdóttur.

Kl. 15:00 verða tónleikar í kirkjunni undir heitinu „H.I. In memorian”, en það er nafn á nýju verki eftir Óliver Kentish sem hann tileinkar minningu Helgu Ingólfsdóttur. Á þessum tónleikum mun Hedwig Bilgram orgelleikari og fyrrverandi kennari Helgu í München ásamt Guðrúnu Óskarsdóttur semballeikara, Mörtu Halldórsdóttur sópransöngkonu o.fl. flytja, auk verksins eftir Óliver, tónlist eftir Johann Sebastian Bach, Harald Genzmer , Georg Friedrich Händel og Johann Gottfried Walther.

Kl. 17:00 verða tónleikar með Bachsveitinni í Skálholti sem bera titilinn „Bach í Skálholti” en samnefnd hljómplata kom út fyrir margt löngu með leik Helgu Ingólfsdóttur og Manuelu Wiesler. Á tónleikunum verða fluttir konsertar og kantata eftir J. S. Bach. Einsöngvari verður Marta G. Halldórsdóttir sópran, og einleikarar Hedwig Bilgram á orgel, Peter Spissky á fiðlu og Peter Tompkins á óbó.

Sunnudaginn 25. Júlí kl. 15:00 verður dagskráin frá fimmtudagskvöldinu, Ítölsk strengjasveifla” endurtekin og kl. 17:00 verður Guðsþjónusta þar sem Hedwig Bilgram og Marta G. Halldórsdóttir munu sjá um tónlistarflutning. Prestur verður sr. Egill Hallgrímsson.

Stofnaður verður minningarsjóður um Helgu Ingólfsdóttur í tengslum við tónleikana og verður hann kynntur nánar í Skálholti tónleikadagana.

Hér er stutt tóndæmi frá Ercole . . . → Read More: Fyrstu gestirnir koma til landsins]]> Tónlistarmenn streyma nú til landsins til að koma fram á Sumartónleikum. Einn af þeim sem koma í dag er Ercole Nisini, sem leiðir barokkhópinn Instrumenta Musica sem heldur fyrstu tónleika sumarsins ásamt Jóhönnu Halldórsdóttur altsöngkonu. Hann verður líka með erindi um tónlist og hljóðfæri barokktímans í Skálholtsskóla á laugardaginn kl. 14.

Hér er stutt tóndæmi frá Ercole Nisini af YouTube:

Fjölmargir tónleikar verða að vanda yfir sex vikna tímabil í sumar og flytjendur verða alls um 200. Fimm kammerkórar frá fjórum löndum og fjölmargir hljóðfæraleikarar og einsöngvarar víðs vegar að koma einnig fram.

Fyrstu helgina kemur . . . → Read More: Sumartónleikar hefjast 3. júlí]]> Sumartónleikar í Skálholtskirkju hefjast 3. júlí. Í ár er 35 ára afmæli hátíðarinnar, en fyrstu tónleikarnir voru haldnir 12. júlí 1975.

Fjölmargir tónleikar verða að vanda yfir sex vikna tímabil í sumar og flytjendur verða alls um 200. Fimm kammerkórar frá fjórum löndum og fjölmargir hljóðfæraleikarar og einsöngvarar víðs vegar að koma einnig fram.

Fyrstu helgina kemur barokkhópurinn Instrumenta Musica frá Dresden og flytja ásamt Jóhönnu Halldórsdóttur dagskrá sem nefnist Du grosser König. Á efnisskránni eru ítölsk og þýsk kirkjutónverk frá upphafi 17. aldar. Fyrir tónleikana, sem hefjast á laugardeginum 3. júlí kl. 15, mun leiðari þýska hópsins, Ercole Nisini barokkbásúnuleikari, fjalla um tónlist og hljóðfæranotkun í lok endurreisnar og upphafi barokks. Erindið hefst í Skálholtsskóla kl. 14:00.

Kl. 17. sama dag flytur Eyjólfur Eyjólfsson tenór ásamt 5 hljóðfæraleikurum dagskrá byggða á safni Monteverdis frá 1632 og nefnist Scherzi Musicali. Inn á milli söngvanna eru leiknar canzonur eftir G. Frescobaldi.

Afmælishátíðartónleikar

Stærsti viðburður sumarsins verða á sunnudeginum 4. júlí kl. 15. Það verða sannkallaðir hátíðartónleikar þar sem um 70 manna hópur flytur Maríuvesper eftir Claudio Monteverdi. Verkið er 400 ára í ár. Það markar tímamót í tónlistarsögunni þar sem er teflt saman kór, einsöngvurum og hljómsveit, form sem síðar þróaðist í átt til stóru kirkjuverka hábarokktímans. Viðburðurinn er alþjóðlegt samstarfsverkefni Sumartónleika, kammerkórsins Collegium cantorum frá Uppsaladómkirkju, barokkhópsins Instrumenta musica frá Dresden og Stúlknakórs Reykjavíkur Vox Junior. Auk þess taka þátt innlendir barokkhljóðfæraleikarar. Meðal einsöngvara verða Marta G. Halldórsdóttir, Rannveig Sif Sigurðardóttir og Eyjólfur Eyjófsson. Stjórnandi verður Olle Johansson dómorganisti í Uppsala, Svíþjóð.

Meðal annara viðburða  í sumar verður ný messa, Missa Pacis, fyrir blandaðan kór, selló, slagverk og orgel eftir Sigurð Sævarsson í flutningi sönghópsins Hljómeykis. Sérstök minningartónleikaröð verður um Helgu Ingólfsdóttur semballeikara og stofnanda Sumartónleika sem lést í fyrra. Þar verður Bachsveitin í Skálholti, auk Hedwig Bilgram, fyrrverandi kennara Helgu, og Mörtu G. Halldórsdóttur. Skálholtsmessa Hróðmars I Sigurbjörnssonar verður flutt í tilefni af því að 10 ár eru liðin frá frumflutningi verksins. Þá verða tónleikar með ítalska kammerkórnum Libera Pisani Cantorum og ný verk verða frumflutt eftir Ólaf Arnalds, Önnu S. Þorvaldsdóttur, Óliver Kentish, Atla Heimi Sveinsson o. fl. Skálholtskvartettinn og Bruno Cocset flytja verk Schuberts og enska snemmbarokktónlist, Steinunn Arnbjörg Stefánsdóttir og fransk-íslenska barokktríóið Süsser Trost kemur fram o. fl.o. fl.

Sjáumst . . . → Read More: Flytjendur sumarsins]]> Nú eru komnar upplýsingar á vefinn um flesta flytjendur og helstu tónskáld í sumar, bæði á ensku og íslensku.
Dagskráin er einnig komin inn á ensku.

Sjáumst í sumar!

Alþjóðleg samvinna hefur lengi verið aðalsmerki Sumartónleika í Skálholtskirkju. Í ár er hún óvenju víðtæk. Kórar, sveitir, tónskáld, einsöngvarar og einleikarar víðs vegar að frá Norðurlöndum, Evrópu og Ameríku ráðast í fjölmörg misstór verkefni, allt frá frumflutningi á nýjum kór- og kammerverkum til hins . . . → Read More: Hátíðin í ár]]> Sumartónleikar í Skálholtskirkju 2010
35 ára afmælishátíð – dagskráin verður birt nú um helgina.

Alþjóðleg samvinna hefur lengi verið aðalsmerki Sumartónleika í Skálholtskirkju. Í ár er hún óvenju víðtæk. Kórar, sveitir, tónskáld, einsöngvarar og einleikarar víðs vegar að frá Norðurlöndum, Evrópu og Ameríku ráðast í fjölmörg misstór verkefni, allt frá frumflutningi á nýjum kór- og kammerverkum til hins 400 ára gamla stórvirkis Monteverdis, Maríuvesper, sem er eitt allra stærsta einstaka verkefni sem ráðist hefur verið í á Sumartónleikum.

Fjöldi flytjenda er að sama skapi með mesta móti, m.a. 5 kórar frá fjórum löndum.

Sérstök minningartónleikaröð er til heiðurs Helgu Ingólfsdóttur stofnanda Sumartónleika, sem lést á síðasta ári. Bachsveitin í Skálholti og Hedwig Bilgram orgel- og semballeikari eru þar í  meginhlutverkum.