Helga Ingólfsdóttir
hlaut tónlistarmenntun sína í Tónlistarskólanum í Reykjavík þar sem hún var nemandi Rögnvalds Sigurjónssonar píanóleikara og í Tónlistarháskólanum í München hvaðan hún lauk einleikaraprófi í semballeik. Hún hefur tekið virkan þátt í tónlistarlífi á Íslandi með einleik og flutningi kammertónlistar og leikið inn á hljómplötur og geisladiska. Helga átti frumkvæði að Sumartónleikum í Skálholtskirkju árið 1975 og var listrænn stjórnandi hátíðarinnar til ársins 2004.

Helga hefur hlotið margvíslegar viðurkenningar fyrir störf sín hér á landi m.a menningarverðlaun DV, Bjartsýnisverðlaun Brøstes, riddarakross hinnar íslensku fálkaorðu og nú síðast heiðursverðlaun Íslensku tónlistarverðlaunanna.