Sumartónleikar í Skálholtskirkju

Blokkflautuleikarinn Ian Wilson heldur námskeið í Skálholti þann 26. júlí kl. 15. Námskeiðið er opið öllum blokkflautunemendum sem og öðrum nemendum sem hafa áhuga á flutningi barokktónlistar.

Ian Wilson er einn fremsti blokkflautuleikari í heimi. Hann kennir við Guildhall School of Music and Drama en er jafnframt yfirkennari tréblásaradeildar Eton College. Hann hefur komið fram sem einleikari með helstu barokksveitum Evrópu, t.d. Helsinki Baroque Orchestra og Irish Baroque Orchestra ásamt öðrum hljómsveitum eins og BBC Filharmonic Orchestra.

Upplýsingar um námskeiðið

Nú eru komin drög að dagskrá Sumartónleika 2013. Sjá yfirlit hér að neðan:

Norski kammerkórinn Christians Consort flytur trúarleg norsk þjóðlög, rómantíska tónlist eftir Bruckner og Rachmaninoff ásamt verkum eftir lettneska tónskáldið Rihards Dubra undir stjórn Martin Pearson. Laugardaginn 29.6. kl. 15:00 og sunnudaginn 30.6. kl. 15:00.

Caput: Semballeikarinn Guðrún Óskarsdóttir flytur verk eftir Louis Couperin, Leif Þórarinsson og Kolbeinn Bjarnason. Fimmtudaginn 4.7. kl. 20:00 og laugardaginn 6.7. kl. 20:00.

Kammerhópurinn Caput flytur tvær tónleikadagskrár með verkum eftir Claude Debussy, Kolbein Bjarnason og Huga Guðmundsson. Laugardaginn 6.7. kl. 15:00 og sunnudaginn 7.7. kl. 15:00.

Lokatónleikar þátttakenda í barokknámskeiði. Laugardaginn 6.7. kl. 17:00.

Kammerkórinn Hljómeyki frumflytur verk eftir staðartónskáld sumarsins, Hreiðar Inga Þorsteinsson undir stjórn Mörtu G. Halldórsdóttur. Laugardaginn 13.7. kl. 15:00 og sunnudaginn 14.7. kl. 15:00.

Sigurður Halldórsson og Dean Ferrell flytja tónlist frá 17. öldinni fyrir tenór- og bassafiðlur. Laugardaginn 13.7. kl. 17:00.

Skálholtskvartettinn flytur kvartetta eftir Mozart og strengjatríó eftir Schubert. Fimmtudaginn 18.7. kl. 20:00 og laugardaginn 20.7. kl. 20:00.

Kór Breiðholtskirkju flytur nýtt verk eftir Hróðmar I. Sigurbjörnsson, “Rennur upp um nótt”, sem samið er við ljóð Ísaks Harðarsonar og sálma nr. 138 og 150. Jafnframt flytjur kórinn mótettuna “Jesu Meine Freude” eftir J.S. Bach með hljóðfæraleikurum. Stjórnandi: Örn Magnússon. Laugardaginn 20.7. kl. 15:00.

Kammerhópurinn Nordic Affect, sem nýlega var tilnefndur til Tónlistarverðlauna Norðurlandaráðs, flytur verk eftir Purcell og Händel ásamt Benedikt Kristjánssyni tenór og Ágústi Ólafssyni baritón. Fimmtudaginn 25.7 kl. 20:00, föstudaginn 26.7. kl. 20:00 og laugardaginn 27.7. kl. 15:00.

Föstudaginn 26.7. heldur Ian Wilson, prófessor við Guildhall School of Music and Drama, blokkflautunámskeið sem lýkur með tónleikum nemenda kl. 17:00.

Breski kammerkórinn Bristol Bach Choir flytur endurreisnartónlist eftir Purcell, Tallis, Byrd og Zelenka ásamt nýrri verkum eftir Tavener, Lukaszewski og James MacMillan. Laugardaginn 27.7. kl. 17:00.

Bachsveitin í Skálholti flytur verk fyrir horn og strengi eftir Telemann ásamt konsert fyrir pikkólóselló eftir Tartini, með hornleikaranum Ellu Völu Ármannsdóttur og Sigurði Halldórssyni á pikkólóselló. Fimmtudaginn 1.8. kl. 20:00.

Kanadísk-íslenski fiðluleikarinn Kathleen Kajioka leiðir Bachsveitina í þýskri og ítalskri strengjatónlist frá 17. öldinni. Laugardaginn 3.8 kl. 15:00 & 17:00 og sunnudaginn 4.8. kl. 15:00.

Sumartónleikar hefjast laugardaginn 29. júní með tónleikum norska kammerkórsins Christians Consort undir stjórn Martin Pearson. Hátíðinni lýkur sunnudaginn 4. ágúst. Dagskrá sumarsins verður birt innan skamms.

Í dag má heyra íslensk og ensk sönglög fyrir sópran og gítar í flutningi Signýjar Sæmundsdóttur og Þórarins Sigurbergssonar kl. 15:00
(Sjá hér)
og franska endurreisnardansa og söngva í flutningi íslensk-franska tríósins Corpo di strumenti kl. 17:00
(sjá hér) – en þeir tónleikar verða endurteknir á sunnudaginn kl. 15:00


Síðan er síðasti séns að heyra Bruno Cocset og Les Basses Reunies í messu kl. 17. á sunnudag

Consort tónlist og kammertónlist frá endurreisn að snemm-barokki (Spánn – Ítalía – England – Þýskaland – Frakkland) leikið á hljóðfæri smíðuðum af Charles Riché

Basses Reunies:
Bruno Cocset : Stjórnandi og alt, tenor & bassa-fiðlur
Steinunn Arnbjörg Stefánsdóttir, Mathurin Matharel
& Sigurður Halldórsson: tenor & bassa-fiðlur
Bertrand Cuiller: semball og orgel

Efnisskrá:
Diego Ortiz (1510 – 1570) : madrigal, ricercare
TOLEDE – NAPLES
Giovanni Pierluigi da Palestrina (1525/6 – 1594) : ricercare a 4 parti
ROME
Thomas Lupo (1571 – 1627) : fantaisia à 3
VENICE – LONDON
Thomas Tomkins (1572 –1656) : In nomine – Pavan
WORCESTER – LONDON
Matthew Locke (1621 –1677): suite in D (extraits)
EXETER – HOLLANDE
Bartolomeo Montalbano (1600 ca. – 1651) : sinfonia a 4
BOLOGNA
Henry Purcell (1659 – 1695) : fantaisia à 4
LONDON
Biaggio Marini (1594 –1663): passacaille
BRESCIA – BRUSSELS – NEUBURG – DONAU – DUSSELDORF – VENICE – PADUA – PARMA – FERRARA – MILANO – BERGAMO… BRESCIA
Marc Antoine Charpentier (1634 – 1704) : concert à 4 (extraits)
PARIS – ROMA – VERSAILLES
Johann Rosenmuller (1617 – 1684) : sonata a 3
LEIPZIG – VENICE
Marin Marais (1656 – 1728) : sonate en trio en mi mineur (extraits)
PARIS – VERSAILLES
Giovanni Legrenzi (1626 – 1690) : sonata a 4
BERGAME – VENICE – FERRARE – PARIS – VENICE

Í kvöld kl. 20:00 mun sellóleikarinn Bruno Cocset og hljóðfærasmiðurinn Charles Riché bjóða upp á dagskrá um hinar ríku hefðir hljóðfæratónlistar 17. aldar í Evrópu. Dagskráin fer fram í Þorláksbúð í Skálholti, sem er endurgerð húss í 12. aldar stíl og stendur við hlið dómkirkjunnar, og er fyrsti skipulagði viðburðurinn í þeirri umtöluðu byggingu.
Samstarf þeirra Brunos og Charles hefur leitt af sér nýja sýn á strengjahljóðfæramenningu 17. aldar. Með hliðsjón bæði af gömbufjölskyldunni og fiðlufjölskyldunni hafa þeir endurskapað og þróað “blendings”fjölskyldu, eða “viola bastarda consort” sem hefur einkenni frá báðum þessum hljóðfæraættum og varpar ljósi á þá staðreynd að á 17. öld, áður en sellóið kom til sögunnar, voru ekki eins skýr mörk á milli fiðlu- og gömbuhljóðfæranna eins og almennt er talið á okkar tímum.
Hljóðfærin sem kynnt verða eru:
- Fiðla – 17. öld « le Purcell »
- 5 strengja altfiðla « le Bettera »
- 5 strengja tenor « le Baschénis »
- 5 strengja tenorfiðla „à la bastarda“ eftir Amati
- 6 strengja bassafiðla „à la bastarda“ eftir Amati
- Selló – 17. öld « Aubade »

Í dag, 28. júlí kl. 15:00 verða portraittónleikar Hallvarðs Ásgeirssonar þar sem 8 verk hans verða flutt. Með Hallvarði leika Anna Garðarsdóttir á fiðlu, Hallgrímur Jensson á selló og Alexandra Kjeld á kontrabassa

Kl. 17:00 og á morgun kl. 15:00 verða tónleikarnir helgaðir ungum og efnilegum tónlistarmönnum sem hafa síðustu daga sótt vinnustofur í endurreisnar- og barokkverkum undir leiðsögn Sigurðar Halldórssonar.
Flytjendur verða: Alexandra Kjeld kontrabassi, Anna Garðarsdóttir fiðla, Bragi Jónsson bassi, Fjóla Kristín Nikulásdóttir sópran, Hallgrímur Jensson selló, Hildigunnur Einarsdóttir alt, Hildur Heimisdóttir tenórfiðla, Lilja Dögg Gunnarsdóttir mezzosópran auk organista Skálholtskirkju, Jóni Bjarnasyni.

Efnisskráin er eftirfarandi:
Efnisskrá:

Ludwig Senfl:
- Lamentatio – Carmen, í 4 röddum
- Carmen in re, í 4 röddum
- Carmen in re, í 4 röddum

William Byrd:
- Lord, to thee I make my moan í 5 röddum – útlegging á sálmi 130 eftir William Whittingham

Johann Christoph Bach:
- Ach, dass ich Wassers gnug – Lamento fyrir altrödd, fiðlu, 3 víólur, víolóne og orgel

William Byrd:
Triumph with pleasant melody í 5 röddum – samtal Krists og syndarans

Dietrich Buxtehude:
- Mit Fried und Freud ich fahr dahin – 4 kontrapunktsverk yfir cantus firmus fyrir sópran, bassa og fjögur hljóðfæri
- Klaglied – fyrir sópran, tvær víólur og continuo

Johann Sebastian Bach:
- Úr kantötu BWV 106, Gottes Zeit, eða Actus tragicus – „In deine Hände”, „Heute wirst du mit mir in Paradies sein” og „Mit Fried und Freud” fyrir altrödd og bassa

Johann Heinrich Schmelzer:
- Sonata Lamentevole, fyrir fiðlu, tvær víólur og continuo í B

Johann Sebastian Bach:
- Úr kantötu BWV 202, Weichet nur betrübte Schatten eða Brúðkaupskantötu – „Die Welt wird wieder neu” og „Phöbus eilt mit schnellen Pferden” fyrir sópran

Henry Purcell:
- Úr Dido og Eneasi, „Thy hand Belinda” og „When I am Laid in Earth”

Giovanni Perluigi da Palestrina:
- Pater noster – mótetta í 5 röddum

Þessa viku standa yfir barokkvinnustofur á vegum Sumartónleika í Skálholtskirkju, sem munu enda með tónleikum í Skálholtskirkju laugardaginn 28. júlí kl. 17 og sunnudaginn 29. júlí kl. 15. Þátttakendur eru Fjóla Nikulásdóttir sópran, Hildigunnur Einarsdóttir og Lilja Dögg Gunnarsdóttir mezzósópransöngkonur, Bragi Jónsson bassi, Anna Garðarsdóttir fiðluleikari, Hildur Heimisdóttir sellóleikari, sem leikur á tenórfiðlu, Hallgrímur Jensson sellóleikari, Alexandra Kjeld kontrabassaleikari auk organista Skálholtsdómkirkju, Jóns Bjarnasonar. Leiðbeinandi er Sigurður Halldórsson, listrænn stjórnandi Sumartónleika.
Opin vinnustofa verður í Skálholtskirkju á fimmtudagskvöldið 26. júlí kl. 20:00

Fimmtudagur 19. júlí:
Kl. 19:30 – Vesper I – Aðfangadagur Þorláksmessu

kl. 20:00 – Saltarinn og fjölradda söngur á 17. öld í Skálholti
Morgun- og kvöldsálmar frá 16. – 17. öld og trúarlegir tvísöngvar

Sönghópurinn Voces Thules var stofnaður 1991 og hefur skipað sér sess sem einn helsti tónlistarhópur á Íslandi á sínu sviði, en hann hefur verið leiðandi afl í rannsóknum og flutningi á íslenskri tónlistarhefð miðalda. Viðamesta verkefni hópsins til þessa er heildarflutningur, hljóðritun og útgáfa á Þorlákstíðum, einu merkasta af íslenskum tónlistarhandritum. Í tengslum við áherslu hópsins á miðaldatónlist hefur hópurinn komið sér upp nokkru safni miðaldahljóðfæra. Hópurinn flytur auk þess tónlist frá ýmsum tímum, m.a. verk íslenskra nútímatónskálda.
Voces Thules hafa haldið tónleika og tekið þátt í tónlistarhátíðum víða um heim, m.a. í 15 borgum í Japan þar sem hópurinn söng fyrir alls um 30 þúsund manns.
Hér á landi hefur hópurinn haldið tónleika víða um land og komið fram með Sinfóníuhljómsveit Íslands, Íslenska Dansflokknum, CAPUT og á Listahátíð í Reykjavík og Sumartónleikum í Skálholtskirkju. Hópurinn hlaut Íslensku tónlistarverðlaunin árið 2006 fyrir útgáfu sína á Þorlákstíðum og var tilnefndur til Tónlistarverðlauna Norðurlandaráðs árið 2009.