(Scroll down for English)
Jaap Schröder þarf vart að kynna fyrir íslenskum tónlistaráhugamönnum. Hann kom fyrst í Skálholt sumarið 1993 og hefur komið árlega síðan til tónleikahalds og hljóðritana á vegum Sumartónleika í Skálholtskirkju bæði sem einleikari og leiðari Bachsveitarinnar í Skálholti og Skálholtskvartettsins. Jaap Schröder hefur kannað ítarlega fiðlubókmenntir 17.-19. aldar og er einn helsti frumkvöðull þess að færa flutning á tónlist þess tíma í upprunalegt horf, þ.e. að tónlistin sé flutt á þann hátt sem tíðkaðist og á þau hljóðfæri sem þá voru notuð. Einn mikilvægasti þáttur í ferli hans á því sviði er starf hans sem fyrsti fiðluleikari í strengjakvartettunum Quartetto Esterhazy og Smithsonian kvartettinum, sem fluttu og hljóðrituðu stóran hluta kvartettbókmennta klassíska tímabilsins í fyrsta sinn með upprunalegum hljóðfærum, en einnig starfaði hann sem konsertmeistari hjá Concerto Amsterdam og víðar. Hann hefur stundað kennslu með ferli sínum sem einleikari og kammertónlistarmaður, m. a. í Basel, við Yale háskólann og Smithsonian stofnunina þar sem hann er heiðursprófessor. Hann hefur leikið inná ótal hljómplötur gegnum tíðina, bæði í Evrópu og Ameríku. M.a. er hann einleikari og/eða leiðari í níu hljóðritunum úr Skálholti fyrir Smekkleysu. Árið 2001 var Jaap Schröder sæmdur riddarakrossi hinnar íslensku fálkaorðu fyrir störf sín á Íslandi. Sumarið 2006 var Jaap, ásamt eiginkonu sinni Agnesi, heiðursgestur á Skálholtshátíð þar sem bóka- og hljóðritasafni því, sem Jaap hefur ánafnað Skálholtsstað, var formlega veitt viðtaka.
Jaap Schröder first came to Iceland in 1993. He directed and performed as soloist with The Skálholt Bach Consort as well as giving a lecture on playing baroque music on period instruments. Every year since then he has been participating in the Skálholt Summer Concerts Festival. Jaap Schröder is also the founder of The Skálholt Quartet.
Jaap Schröder is an expert in the violin repetoire of the 17th , 18th and 19th Century and one of the pioneers in performing music from this period in an authentic way. He was the leader of Quartetto Esterhazy and Smithsonian String Quartet. Both these ensembles performed and recorded an extensive part of the Classical quartet repertoire for the first time on period instruments. He has been a teacher in Basel in Switzerland, and at Yale University and Smithsonian Institute in the US, where he is honorary professor. Jaap Schröder has made countless recordings of early music, both in Europe and America for many record labels. Here in Iceland he has been soloist and leader on 9 CD recordings for “Smekkleysa” label, six of them have already been released. In 2006, at the 950th anniversary of Skálholt bishopric, he donated a big part of his music library to Skálholt.
In the year 2001 Jaap Schröder recived the Icelandic Falcon badge of honour from the President of Iceland.