Staðartónskáld í ár er Sigurður Sævarsson. Nýtt verk, Missa pacis fyrir kór, selló, orgel og slagverk verður frumflutt laugardaginn 10. júlí. Flytjendur verða Hljómeyki ásamt Sigurði Halldórssyni sellóleikara, Steingrími Þórhallssyni orgelleikara og Frank Aarnink slagverksleikara undir stjórn Magnúsar Ragnarssonar.
Verk nokkurra annarra tónskálda verða frumflutt í sumar. En þau eru Óliver Kentish (11. júlí og 24. júlí), Steingrímur Þórhallsson (11. júlí), Atli Heimir Sveinsson (11. júlí), Ólafur Arnalds (31. júlí), Anna S. Þorvaldsdóttir (5. ágúst) og Gaetano Lorandi (7. ágúst). Þá verður Skálholtsmessa Hróðmars Sigurbjörnssonar flutt í tilefni af því að 10 ár eru frá því hún var frumflutt á Sumartónleikum.