Sumartónleikar í Skálholtskirkju

Eyjólfur tók þessar myndir á æfingu í dag…..

12. júlí
Í dag er afmælisdagur Sumartónleika. Fyrstu tónleikarnir voru haldnir 12. júlí 1975.

Þessa vikuna dvelur Bachsveitin í Skálholti við æfingar undir stjórn slóvakíska fiðluleikarans Peters Spisskys. En Peter hefur komið og leitt sveitina árlega síðan sumarið 2008. Hann er jafnframt konsertmeistari barokksveitarinnar Concerto Copenhagen, og þar að auki eftirsóttur einleikari um allan heim.
Einleikarar og einsöngvarar með Bachsveitinni að þessu sinni eru Elfa Rún Kristinsdóttir fiðluleikari, Hallveig Rúnarsdóttir sópransöngkona og Eyjólfur Eyjólfsson tenórsöngvari

Tónleikadagskrá Bachsveitarinnar er sem hér segir:

Fimmtudagur 12. júlí kl. 20:00

LEIKHÚS OG LEIKANDI FIÐLUR
Henry Purcell (1659-1695): Svíta úr Dídó and Aeneas

Johann Georg Pisendel (1687-1755): Konsert í Es dúr fyrir fiðlu, strengi og fylgibassa
Einleikari Elfa Rún Kristinsdóttir

Georg Friederich Händel (1685-1759): Concerto Grosso op.6 nr.2 í F dúr

Henry Purcell (1659-1695): Amphitryon – eða – The Two Sosias

Þessi efnisskrá verður endurtekin laugardaginn 14. júlí kl. 17:00

Laugardagur 14. júlí kl. 15:00

YS OG ÞYS Í LONDON
Georg Friederich Händel (1685-1759): Úr Jephtha: Overture
Waft her, angels, through the skies
Úr Alcina: Tornami a vagheggiar
Un momento di contendo
Úr Rinaldo: Lascia ch´io pianga
Furie terribili

Henry Purcell (1659-1695): Chacony
Úr Dioclesian: Oh The sweet delights of love
Úr King Arthur: Fairest Isle
Úr Dido and Aeneas: Overture
Prelude – Come away, fellow sailors – The Sailors´ Dance
Thy hand Belinda – When I´m laid in earth
Úr Pausanias the Betrayer of His Country:
My dearest, my fairest
Einsöngvarar: Hallveig Rúnarsdóttir sópran og Eyjólfur Eyjólfsson tenór

Þessi efnisskrá verður endurtekin sunnudaginn 15. júlí kl. 15:00

Kl. 14:00: Erindi í Skálholtsskóla, Hafdís Bjarnadóttir staðartónskáld
Kl. 15:00: Laude Illustre
Laude Illustre eru tónleikar með sjónrænu ívafi. Þar heyrast ítalskir “Laude” söngvar frá 13. og 14. öld og norsk þjóðlög. Myndskreytingin er unnin úr “stucco” málverkum úr kirkjum á Norðurlöndum frá sama tímabili.
Laude Illustre skipa söngkonurnar Agnethe Christensen og Gro Siri Johansen, fiðlarinn Elizabeth Gaver og vídeólistamaðurinn Björn Ross.
Laude Illustre glæðir lífi meginfrásagnir Biblíunnar bæði í myndmáli og á hinni fornu tungu Toscana héraðs auk harðangursfiðlutónlistar frá hinni norsku hefð. Einstakt samspil Norðurs og Suðurs.
Laude Illustre á Youtube

Kl. 17:00: Hafdís Bjarnadóttir staðartónskáld – sönghópurinn Hljómeyki

Ný tónlist fyrir kór og rafgítara við ljóð Einars Más Guðmundssonar
Flytjendur Sönghópurinn Hljómeyki, undir stjórn Mörtu G. Halldórsdóttur, og Hafdís Bjarnadóttir og Ragnar Emilsson, rafgítar

“Ég er vínviðurinn, þér eruð greinarnar. Sá ber mikinn ávöxt, sem er í mér og ég í honum, en án mín getið þér alls ekkert gjört.” (Jóh.15.1-5)

Næstu tónleikar á Sumartónleikum í Skálholtskirkju verða fimmtudaginn 5. júlí kl. 20:00.
Sönghópurinn Hljómeyki undir stjórn Mörtu G. Halldórsdóttur flytur tónlist eftir Orlandus Lassus, Jan Pieterszoon Sweelinck , Hans Leo Hassler og Heinrich Schütz auk tónlistar úr íslenskum handritum og prenti við texta íslenskra sálmaskálda frá 17.öld.

Er hér:
Athugið að smá breyting hefur orðið á efnisskrá Bachsveitarinnar 12.-15. júlí frá prentaða bæklingnum

BæklingurSumartónleikarSkalholt

Kíkið á dagskrána á flipunum hér að ofan.
Hér er líka plakat sem er upplagt að prenta út:
Plakat2012
Nánari dagskrárbæklingur verður kominn hér fljótlega.

EAR-ly er norræn samkeppni ungra samspils/samsöngshópa á Norðurlöndum sem einbeita sér að upprunaflutningi og auglýsir nú eftir þátttakendum.

Norrænu samtökin NORDEM (Nordic Early Music Federation) standa að keppninni annað hvert ár, en Sumartónleikar í Skálholtskirkju eru aðili að samtökunum. Keppnin er opin hljóðfæra- og/eða sönghópum með 2 til 12 þátttakendum. Þeir skulu vera fæddir árið 1977 eða síðar.

Umsóknarfrestur er til 27. febrúar 2012. Nánari upplýsingar má finna hér.

Sumartónleikar í Skálholtskirkju á tímamótum í alþjóðlegu samstarfi
Mikið hefur verið fjallað að undanförnu um málefni Skálholtsstaðar og ekki frá því að það sé ástæða til að minna á Sumartónleika í Skálholtskirkju í þessu sambandi. En þeir hafa verið hluti af starfsemi á Skálholtsstað um langa hríð. Þeir byrjuðu sem einstaklingsframtak byggt á hugsjón um að miðla vandaðri tónlist og að standa fyrir framþróun í tónlistarflutningi og tónsmíðum. Sumartónleikar í Skálholti hafa m.a. verið leiðandi í þróun kirkjutónlistar á Íslandi og hafa yfir 200 tónverk verið frumflutt á vegum hátíðarinnar. Hátíðin er dæmi um starfsemi í miklum blóma sem hefur miðlað menningarverðmætum af hugsjón og krafti í næstum fjörutíu ár. Starfsemi sumartónlistarhátíðar er síður en svo bundin við sumarið og nú stendur yfir mikilvægt tímabil yfirlits og endurmats að ekki sé minnst á fjármögnun, listræna mótun og skipulag fyrir komandi hátíðir.

Eyrarrósin
Árið hefur verið viðburðaríkt í 37 ára sögu hátíðarinnar. Hún er handhafi Eyrarrósarinnar 2011, fyrir framúrskarandi menningarstarf á landsbyggðinni sem veittist henni á Bessastöðum í ársbyrjun. Hátíðin er elsta og stærsta sumartónlistarhátíð á Íslandi og er að mörgu leyti fyrirmynd margra slíkra. Sérstaða hennar er hversu langt tímabil hún spannar yfir sumarið þar sem bæði leiðandi listamenn á alþjóðavettvangi og íslenskir listamenn vinna saman að verkefnum, bæði flutningshefðum og tónsköpun, í einstöku umhverfi og þeim góða aðbúnaði sem staðurinn hefur upp á að bjóða.

Alþjóðleg Schubert útgáfa
Sumartónleikar í Skálholti eru snar þáttur í starfsemi nokkura leiðandi tónlistarhópa á Íslandi. Má þar nefna sönghópinn Hljómeyki, Bachsveitina í Skálholti, Nordic Affect og Skálholtskvartettinn. Síðastnefndi hópurinn hljóðritar nú strengjakvartetta Schuberts fyrir bandarísku tónlistarútgáfuna Musica Omnia. Koma margir af kvartettunum nú út á geisladisk í fyrsta sinn með upprunalegum hljóðfærum. Næsta sumar kemur fyrsti hlutinn út, og kvartettinn fer í kjölfarið í tónleikaferð til Boston, New York, Washington og í Yale háskóla.

NORDEM
Nýlega gekk hátíðin í samtök norrænna tónlistarhátíða og stofnana sem sérhæfa sig í flutningi tónlistar fyrri alda, Nordic Early Music, Federation (NORDEM). Í ferlinu kom í ljós að Sumartónleikarnir eru elst slíkra hátíða á Norðurlöndum. Aðalfundur NORDEM var haldinn í Reykjavík í liðnum mánuði og sótti listrænn stjórnandi Sumartónleika fundinn ásamt aðilum á borð við Drottningholm óperuna, Stockholm Early Music Festival og Copenhagen Rennaissance Music Festival. Mjög þykir vandað til hvers kyns tónlistarflutnings á Norðurlöndum. Það er því mikil hvatning til framþróunar falin í aðild að samtökunum en um leið viðurkenning á því starfi sem hefur verið unnið á Sumartónleikum og augljóst að hátíðin nýtur alþjóðlegrar viðurkenningar. Samstarf á þessum vettvangi hefur í för með sér mikil tækifæri, en auk þess skyldur sem leiðandi afl á alþjóðlegum vettvangi.

EAR-ly
Samtökin halda keppni ungra kammerhópa annað hvert ár. Keppnin nefnist EAR-ly. Sem aðilar að NORDEM eiga Sumartónleikar aðild að dómnefnd keppninnar og mun listrænn stjórnandi taka sæti í henni næsta vor. Samþykkt var á aðalfundinum að lokaumferð keppninnar árið 2014 verði haldin í Skálholti. Það er sérstakt tilhlökkunarefni fyrir íslenska tónlistarunnendur að fá slíkan viðburð í Skálholt, þar sem rjóminn af norrænum kammerhópum í forntónlistargeiranum mun leiða saman hesta sína.

Mikið verður um að vera í Skálholti í dag. Auk hefðbundinna tónleika kl. 15 og 17, sem eru að þessu sinni haldnir af Bachsveitinni í Skálholti, verður dagskrá á staðnum fyrir all fjölskylduna frá kl. 13.

Kl. 13 mun Jón Bjarnason organisti í Skálholti halda stutta kynningu á orgelinu og leika nokkur verk. Milli 13 og 14.30 verður börnum boðið uppá að fara á hestbak.
Kl. 14 heldur Bragi Þorgrímur Ólafsson erindi í Skálholtsskóla sem tengist tónleikum dagsins. Þá verður hljóðfærasmiðja fyrir börn sem fer fram á bilinu 15 – 18.

Á tónleikum Bachsveitarinnar kl. 15 verða tveir fiðlukonsertar eftir J.S.Bach, sá í E dúr og tvöfaldi konsertinn í d moll. Einleikarar eru Peter Spissky og Elfa Rún Kristinsdóttir. Einnig verða fluttir “Persónuleikar dansins” eftir Rebel og Don Kíkóte svítan eftir Telemann

Kl. 17 verða ítölsk síðbarokkverk á dagskrá: Forleikur að óperunni Olimpiade eftir Vivaldi, La Folia konsertinn í útfærslu Gemnianis, konsert fyrir pikkoló-selló eftir Tartini og Concerto grosso nr. 10 eftir Händel. Einleikarai í konsert Tartinis er Sigurður Halldórsson.

Ítalskt síðbarokk verður flutt í kvöld á tónleikum Bachsveitarinnar í Skálholti.
A efnisskránni verður forleikur að óperunni Olimpiade eftir Vivaldi, Concerto grosso í d moll “Follia” eftir Geminiani, Sellókonsert í A dúr eftir Tartini og Concerto grosso op. 6 nr. 10 eftir Händel.